Басты Жаңалықтар Ақтөбеде сарапшылар клубының отырысы өтті

Ақтөбеде сарапшылар клубының отырысы өтті

20.08.2026 17:13

Ақтөбеде «Sarap» клубының отырысы өтті. Сарапшылар «Сайлау науқанының аралық нәтижелері және дауыс беру алдындағы жұмылу» тақырыбында пікір алмасты.

Жиынға Астана, Ақтөбе, Атырау, Маңғыстау және Батыс Қазақстан облыстарының қоғамдық-саяси, академиялық және ғылыми-зерттеу қауымдастықтарының мамандары келді. Сондай-ақ үкіметтік емес сектор және азаматтық қоғамның басқа да институттарының өкілдері қатысты.

Талқыланған негізгі мәселенің бірі – азаматтардың электоралдық белсенділігі.

Қазақстандық қоғамдық даму институты көпшілік назарына өздері жүргізген әлеуметтану зерттеулерінің нәтижелерін ұсынды.

Жанар Боқанова, Қазақстандық қоғамдық даму институты төрағасыынң орынбасары:

Осы сайлау науқанының, электоралды науқанының ерекшеліктері біріншіден, біздің еліміздегі цифрлық технологиядларды кең пайдаланды деп айтуға болады. Мысалы, әртүрлі электоралды платформалар құрылды, сонымен қатар, мына әлеуметтік желілерде көптеген мүмкіндіктер болды: өз пікірін айту, әртүрлі ұсыныстар жасау деген сияқты. Сондықтан азаматтық белсенділік өте жоғары болды.

Автор

Жақсыбек Кемал

Бөлісу