Гарри ханзада мен жұбайы Меган еліне оралады

Принц Гарри мен оның жұбайы Меганның Ұлыбританияға оралатыны мәлім болды. Олар бұған дейін корольдік міндеттемелерден бас тартып, АҚШ-тың Калифорния штатында алты жыл тұрды. Герцог пен герцогиняның тамыздың соңында Ұлыбританияға көшетінін Daily Telegraph және Sun газеттері хабарлап отыр. Олардың дерегінше, Гарри мен Меган Лондоннан тысқары жердегі корольдік емес, яғни жекеменшік резиденцияға қоныстанып, екі баласын қыркүйекте британдық мектепке береді.

Болжамдарға қарағанда, монархтың ұлы мен келініне ресми мәртебелері қайтарылмайды. Сондықтан олар жеке тұлғалар болып тіркелуі мүмкін.