Теміртауда «Таза ойындар» экологиялық жарысы өтті

Қарағанды облысы Теміртау қаласында «Таза Қазақстан» акциясы аясында «Таза ойындар» экологиялық жарысы өтті. Шараға қала жастары, волонтерлер мен эко-белсенділерден құралған 100-ге жуық адам қатысты. Қатысушылар жағалау аумағын тұрмыстық қалдықтардан тазартып, жиналған қоқысты арнайы тәртіппен сұрыптады. Белсенділік пен ұйымшылдық танытқан үздік қатысушыларға арнайы сыйлықтар табысталды. Негізгі мақсат – жастар арасында экологиялық мәдениетті қалыптастырып, қоршаған ортаға деген жауапкершілікті арттыру, дейді ұйымдастырушылар.

Мирас Яуда, ерікті:

Осы жерде бізде 100-ден аса жастар акцияға қатысуда. Бұл жердегі басты мақсат - экологиялық мәдениетті қалыптастыру. Бұл бір реттік науқан емес. Біз жаздың күні болсын, қыс болсын - акцияны қолдап, жұмыс атқарып жатырмыз.