Мұнай бағасы бірден 2 пайызға қымбаттады

Трамптың Иранды қолдаған елдерден кек алу туралы мәлімдемесі әлем нарығында мұнай бағасын бірден 2 пайыздан астам көтерді. Соңғы мәліметке қарағанда, энергетикалық шикізаттың Brent маркасының баррелі 93 доллар 78 центке сатылып жатыр. Бұл – соңғы бір айдағы ең жоғары көрсеткіш. Ал «қара алтынның» америкалық сұрыбының құны 2,3 пайызға қымбаттап, 88 долларға жақындап қалған.

Айта кетсек, Вашингтон мен Тегеран арасындағы шиеленістің ушығуы әрдайым мұнай тасымалын қиындатып, көмірсутегі нарығына кері әсер етіп келеді.