Колумбияда шахтадағы апаттан 13 жұмысшы қаза тапты

Колумбияның оңтүстік-батысында шахта құлап, 13 жұмысшы қаза тапты. Мұны Нарино департаментінің басшылығы хабарлап отыр. Билік өкілдерінің мәлімдеуінше, апатқа жарылыс емес, кен орнындағы бір қабырғаның опырылып түсуі себепші.

Іздеу операциялары түні бойы жалғасып, таңға жақын аяқталды. Құтқарушылар мен жергілікті тұрғындар ауыр техниканың көмегімен жоғалып кеткен барлық кеншілерді тапқан.