Ресейде жас ғалымдар сайлауға белсенді түрде қатыспақ

23 тамыз күні Ресейде бес сайлау учаскесі ашылады. Қазақстанның Ресейдегі елшілігінде орналасқан  нөмірі 429 сайлау учаскесі жергілікті уақыт бойынша таңғы жетіден бастап жұмыс істейді. Шетелде уақытша тұрып жатқан отандастарымыз да өз конституциялық құқығын пайдаланып, дауыс бере алады. Мәскеуден 125 шақырымдағы Дубна қаласында орналасқан Біріккен ядролық зерттеулер институтында 100-дан астам отандасымыз қызмет етеді. Олар Қазақстанның атом саласын дамытуға өз үлестерін қосуда. Жас ғалымдар ел болашағы үшін сайлауға қатысып, өз таңдауын жасауға дайын.

Нұрзада Сақтағанов, Бязи жоғары энергия физикасы зертханасының ғылыми қызметкері:

Бұл еліміздің саяси жүйесіндегі маңызды және жаңа кезең. Алғаш рет халқымыз бір палаталы парламент құру үшін сайлауға қатысады. Біз Біріккен ядролық зерттеулер институтының жас ғалымдары Қазақстанның азаматтары ретінде Мәскеу қаласындағы елшілікке барып, дауыс береміз.