Қазақстанда Құрылтай есімді 10 адам бар

Қазақстанда Құрылтай есімді 10 адам бар. Ұлттық статистика бюросы осындай қызықты деректі жариялады. Ведомствоның  мәліметінше, Құрылтай есімі және оның нұсқалары бүгінде Қазақстанда өте сирек кездеседі. 2026 жылғы тамыздағы жағдай бойынша «Құрылтай», «Курылтай», «Курултай» және «Курлтай» есімдерімен 10 азамат бар. Құрылтай есімді жандардың ең көбі Шығыс Қазақстан облысында, төрт адам бар. Алматы қаласында екі азамат тұрады. Абай, Жамбыл, Қарағанды және Маңғыстау облыстарының әрқайсысында бір адамнан тіркелген. 10 адамның бесеуі 65 жастан асқан. Олардың ішіндегі ең үлкені 80 жаста. Қалған төрт адам 30-64 жас аралығындағы топтарға жатады.