Гуманоид роботтар жекпе-жекке шықты

Бейжіңде өтіп жатқан Дүниежүзілік роботтар конференциясы аясында қол жекпе-жегі өтіп, гуманоидтар рингке шықты. Ойын барысында олар жұдырықтасып, бір-бірін тепкен. Сонымен қатар құлтемірлер ерекше икемділігімен күрделі әрі жоғары динамикалық қимылдарды оп-оңай жасап, көрермендерді таң қалдырды.

Ұйымдастырушылардың айтуынша, бойлары 170 сантиметрден сәл асатын роботтар қоршаған ортаны жан-жақты қабылдау жүйесімен жабдықталған. Және де олар орасан физикалық мүмкіндіктерімен кейде ересек адамдардан да басым түседі екен.