Жаңа әуежай салуға Сингапур тәжірибесі қолданылуы мүмкін

Астанада жаңа әуежай салуға Сингапурдың озық тәжірибесі қолданылуы мүмкін. Бүгін Үкімет басшысы Олжас Бектенов сингапурлық Changi Airport Group компаниясының бас атқарушы директоры Ям Кум Вэнгпен кездесті. Онда Астанада әуежай инфрақұрылымын дамыту және халықаралық авиациялық хаб қалыптастыру перспективалары талқыланды. Айта кетейік, Changi Airport Group Сингапурдағы Чанги халықаралық әуежайы мен Селетар әуежайын басқарады. Сондай-ақ әлемнің 20-дан астам еліндегі 60-тан астам әуежайда инфрақұрылымды дамыту жобаларына қатысады.