Басты Жаңалықтар Ел ертеңіне бағыт беретін еңбек

Ел ертеңіне бағыт беретін еңбек

21.08.2026 17:30

«Әділетті қоғамға – шыншыл сөз» кітабы Президенттің қанатты сөздері жинақталған басылым ғана емес, еліміздің өткені мен келешегіне бағыт-бағдар беретін еңбек. Осылай деген ел зиялылары салмақты кітап ел ертеңіне жоспар жасауға жол ашатынын айтады.

Жинақтағы пайымды пікірлерді парақтай отырып, елдің дамуы экономикамен өлшенбейтінін байқауға болады. Мәселен, автор 21 тақырыптық бөлімге жүйеленген еңбекте ел басқару, заң үстемдігі, қоғам қауіпсіздігі, білім беру ісіне дейінгі шешімдерге кеңінен тоқталған. Сондай-ақ цифрландыру, экология, ұлттық таным мен жастар мәселесіне дейін жан-жақты ойлар қамтылған. Демек рухы еркін, заңы үстем елдің қоғамдағы жауапкершілігі де бәрінен биік болатыны анық аңғарылады.

Асқарбек Сейілхан, Қазақстанның еңбек сіңірген әртісі:

«Депутат болу бұл – мансап емес, бұл – жауапкершілік, бұл – маңызды міндет» деген цитатасы тұр. Афоризм! Президентіміздің айтқаны бұл міндет, бұл алға қойылған үлкен жауапкершілік. Осы жауапкершілікті сезінетін депутаттар отыруы керек. «Адал адам» деген принципті Президент алға қойды. Сондықтан мәселені күн тәртібінен түсірмеу керек.

Автор

Данияр Әлімқұл

Бөлісу