Қазақстанның IT қызметтер экспорты 5 жылда 34 есеге өсті

Қазақстанның IT-қызметтер экспорты бес жылда шамамен 34 есеге өсті. Яғни, 2020 жылы көлемі 33,5 млн АҚШ доллар болса, былтырғы жылдың қорытындысы бойынша 1,142 млрд АҚШ долларына дейін артқан. Осылайша, салыстырмалы түрде қысқа уақыт ішінде IT-қызметтер қалыптасып келе жатқан бағыттан ел экспортының маңызды салаларының біріне айналды. Сонымен қатар Қазақстан IT-қызметтердің нетто-экспорттаушы деңгейіне шықты. Экспорттан түскен табыс шетелдік цифрлық шешімдерді импорттауға жұмсалған 429 млн АҚШ долларынан 2,6 еседен астам жоғары болды.. Бүгінде отандық цифрлық шешімдер әлемнің 110-нан астам еліне экспортталады. Алдағы меже - Қазақстанның IT-қызметтер экспортын 2030 жылға қарай 5 млрд АҚШ долларына дейін жеткізу.