Елімізде міндетті сақтандыру жүйесі өзгереді

Қазақстанға келетін шетелдік туристерге медициналық сақтандыру алу міндеттелмек. Қаржы нарығын реттеу және дамыту агенттігі осындай ақпарат таратты. Жалпы, елімізде міндетті сақтандыру жүйесі өзгереді. Жаңа жүйе қарапайым әрі түсінікті болады. Сақтандыру бағасы әр адамның тәуекеліне қарай есептеледі. Компаниялар тарифті белгіленген шекте анықтайды. Жаңа міндетті сақтандыру түрлері де енгізілуі мүмкін. Алғашқы кезеңде баспананы табиғи апаттардан сақтандыру ұсынылды. Оған жер сілкінісі, су тасқыны және орман өрті кіреді.