15 өңірде дауылды ескерту жарияланды

Қазақстанның 15 өңірінде дауылды ескерту жарияланды. Бірқатар облыста жаңбыр жауып, найзағай ойнайды, кей жерлерде тұман түсіп, жел күшейеді. Шығыс Қазақстан, Жетісу және Абай облыстарында желдің екпіні секундына 15-20 метрге дейін жетуі мүмкін. Жетісу облысының таулы аудандарында дауыл секундына 28 метр жылдамдықпен соғады. Ал Қостанай мен Маңғыстау облыстарында ауа температурасы 35-39 градусқа дейін көтеріледі. Бірқатар өңірде жоғары және төтенше өрт қаупі сақталады.