БҚО-да қызылша дерті дендеп тұр

Батыс Қазақстан облысында қызылша дерті дендеп тұр. Ксм: Жыл басынан бері 300-ге жуық адам ауруға шалдыққан. Ал былтыр тек 18 науқас дәрігерге жүгінген. Қызылшамен ауырғандардың дені уақытылы екпе алмағаны анықталды. Жұқпалы дерт, әсіресе, қалада асқынып тұр. Сондай-ақ көкжөтелге шалдыққандар да көбейген. Дәрігерлер тұрғындарды жеке бас гигиенасын сақтап, санитариялық талаптарды бұзбауға шақырады.

Гүлдана Кереева, Облыстық санитариялық-эпидемиологиялық бақылау департаменті басшысының орынбасары:

Ауа тамшылары арқылы таралатын жұқпалы аурулардың көбеюі байқалып отыр. Бұл көкжөтел және қызылша. Қызылшаны айтсақ, 2025 жылы 7 айда барлығы 18 жағдай тіркелсе, биыл 288 жағдай тіркеліп отыр. Мұнда ең басты тиімді алдын алу шарасы, бұл - екпе алу.