АҚШ-та қызылшадан екі адам қайтыс болды

АҚШ-тың Пенсильвания штатында қызылшадан екі тұрғын қайтыс болды. Елде қауіпті инфекция белең алған. Бұған екпе салу деңгейінің төмендеуі себеп. Жыл басынан бері қызылша Құрама штаттарда 2700-ден астам адамнан анықталған. Бұл - соңғы 30 жылдағы ең жоғары көрсеткіш. АҚШ-тың денсаулық сақтау министрі Роберт Кеннеди вакциналар қолданысын азайтуды қолдайтыны мәлім. Оның пікірінше, екпе пен аутизм арасында байланыс бар. Дегенмен мұндай мәлімдеменің ғылыми негізі жоқ.