«Саудел» тайфуны Жапонияға жетті

Жапонияның Окинава аралына «Саудел» тайфуны жақындап қалды. Желдің жылдамдығы сағатына 230 шақырымға жеткен. Дүлей дауыл өзімен бірге нөсер жауын әкелді. Кагосима префектурасында сақтық шарасы ретінде мыңдаған тұрғын эвакуацияланды. Кей аралдарда мектептер жабылған. Бұған дейін тайфун Тайвань аралына соққы берді. Жапониядан кейін дүлей дауыл Қытайдың шығыс жағалауына ойысады.