Қытайда емтихан тапсырмай-ақ көлік жүргізуге болады

Қазақстандықтар Қытайда, ал Қытай азаматтары Қазақстанда жүргізуші куәлігін қайта емтихан тапсырмай-ақ пайдаланып, көлік жүргізе алады. Ішкі істер министрлігі екі ел арасында жүргізуші куәліктерін өзара тану және айырбастау туралы келісім жобасын әзірледі. Басты жаңашылдық құжаттарды тікелей айырбастау мүмкіндігі. Яғни, екінші елде уақытша немесе тұрақты тұратын Қазақстан мен Қытай азаматтарына қайта оқудан өтіп, біліктілік емтиханын тапсырудың қажеті болмайды. Жаңа тәртіп келісімге ресми түрде қол қойылып, заңды күшіне енгеннен кейін жүзеге асады.