Республикалық маңызы бар жолды сел шайып кетті

Мен қазір сел салдарынан жарамсыз күйге түскен жол бойындамын. Бүлінген аймақ маңы ойлы-қырлы жер болғандықтан, су ағыны күшейіп, жолдың бір бөлігін тас-талқан етті. Шағын көпірлер маңына лай мен тас жиналған. Жаңбыр суы арықтардың ернеуінен асып, жол жиегі, жер төсемі мен қоршау элементтері бүлінген. Алайда көлік қозғалысы тоқтаған жоқ. Автомобильдер бұл аумақта реверсивті қозғалыспен жүріп жатыр. Бүгінде тау беткейлерінен аққан су тоқтады. Құрылысшылар жауын-шашын салдарын жою жұмыстарына кірісті. Бүлінген аймақ лай мен тастан тазартылып жатыр. Мамандар автожолды апта соңына дейін толық қалпына келтіреміз деп отыр.