Заңнама және құқықтық ақпарат институты 2 млн-нан аса кеңес берген

Елімізде заңнама және құқықтық ақпарат институты заң жобаларын ғылыми-сараптамалық сүйемелдеумен қатар, елдің құқықтық деректер базасын жүргізіп, азаматтарға тегін кеңес береді. Биылдың өзінде 2528 нормативтік акт жобасына сыбайлас жемқорлыққа қарсы сараптама жүргізіп, мемлекеттік органдарға 3487 ескерту жолдаған. Сонымен қатар «Әділет» ақпараттық-құқықтық жүйесі жаңартылып, іске қосылды. Ал құқықтық ақпараттық қызмет 2011 жылдан бері халыққа 2 миллионнан астам мәселе бойынша кеңес берген.

Өткен жылы халыққа барлығы 95 743 кеңес берілді, ағымдағы жылдың 8 айында – 35 298. Күніне олардың орташа саны: телефон арқылы – 160, жазбаша – 20. Бұл жұмысты біз азаматтарға кеңес беру арқылы жүргіземіз.