Маңғыстау облысында 4 адам балықтан уланып қалды

Маңғыстау облысының Басқұдық ауылында Ысталған балық жеген 4 адам уланып қалды.

Үш ересек пен кәмелетке толмаған бала қазір орталық аурухананың жансақтау бөлімінде жатыр. Дәрігерлердің айтуынша, зардап шеккендердің жағдайы ауыр. Барлық науқас өкпені жасанды желдету аппаратына қосылған. Оларға қажетті емдік шаралар жүргізіліп, ботулизмге қарсы сарысу егілген. Алдын ала болжам бойынша, адамдардың улануына үйдегі тоңазытқышта ұзақ уақыт сақталған балық себеп болған.

Марал Қадыр, облыстық денсаулық сақтау басқармасының штаттан тыс бас эпидемиологы:

Бала Маңғыстау облыстық балалар ауруханасының жұқпалы аурулар бөліміне жеткізілді. Содан кейін облыстық ауруханаға үлкендер медициналық көмекке жүгініп бастады. Бүгінгі таңда науқастардың клиникалық жағдайына байланысты барлық симптоматикалық емдер және ағзасынан дезинтоксикациялық ем жүргізіліп жатыр.