Ақмола облысында жаңа көпірдің құрылысы аяқталды

Ақмола облысында Жақсы – Есіл – Бұзылық республикалық маңызы бар жолды күрделі жөндеу аясында салынған жаңа көпірдің құрылысы аяқталды.

Есіл өзені арқылы өтетін көпірдің ұзындығы 255 метр. Оның құрылысы Үкіметтің тапсырмасымен осыдан 3 жыл бұрын басталған. Жоба құны 5,5 миллиард теңге. Бүгінде толық аяқталып, пайдалануға берілді. Жарты ғасырдан аса пайдаланған ескі көпір апатты жағдайда болып, қайта-қайта жөндеуден өтіп, тұрғындардың қозғалысына біраз кедергі келтірген.

Дархан Иманашев, «Қазавтожол» ҰК АҚ басқарма төрағасы:

Президент тапсырмасына сәйкес жыл сайын Ақмола облысына 70 млрд көлемінде әр түрлі жұмыстарға қаражат бөлінеді. Орташа жөндеу, күрделі жөндеу. Соның аясында Президент бағдарламасының арқасында соңғы 3 жыл ішінде жолдың қанағаттандыру көрсеткіші 89 пайыздан 96 пайызға дейін ұлғайды.