Қайтарылған активтер есебінен екі мектеп бой көтерді

Жетісу облысында қайтарылған активтер есебінен 2 мектеп бой көтерді. Рудничный ауылындағы 200 орындық оқу ордасы қазір балалардың сапалаы білім алуы үшін жарап тұр. Ал Көксай елді мекеніндегі 60 орындық мектептің құрылысы аяқталып, құжаттарын рәсімдеу жұмыстары жүріп жатыр. Нысанға мемлекет қазынасынан 1,5 млрд теңге бөлінген. Бұдан бөлек, өңірде арнайы қор есебінен тағы бір мектептің құрылысы басталды. Шілде айында Үштөбе қаласында іргетасы қаланған 600 орындық білім ошағы келер жылы пайдалануға беріледі. Барлық ғимараттар заман талабына сай қажет жарағымен қамтылады.

Айдос Күнесбаев, Жетісу облысы құрылыс басқармасы басшысының орынбасары:

Бұған бізде 6,3 млрд теңге қайтарылған активтер есебінен қаржыландырылған. Өз кезегінде құрылысы аяқталған кезде Үштөбе қаласындағы балаларға, мұғалімдерге заманауи жағдай жасалынған.