Google-дің экс жетекшісі: ЖИ балаларға әлеуметтік желілерден де зиян тигізуі мүмкін

Жасанды интеллект балаларға әлеуметтік желілерден де көбірек зиян тигізуі мүмкін. Google компаниясының қауіпсіздік жөніндегі бұрынғы басшысы Том Сигел осылай деп мәлімдеді. Ол технологиялық салаға сыртқы бақылауды күшейтуге үндеді. Сонымен бірге жасанды интеллектіні жетілдіру жұмысын баяулату қажеттігін де ескертті. Соңғы кездері компаниялар арасында чат-боттардың функцияларын күшейту үшін бәсеке жүріп жатыр. Ал бұл қызметті күн сайын миллиондаған жасөспірім қолданады. Онсыз да онлайн-платформаларды иеленетін компаниялар желіде балалардың қауіпсіздігін қамтамасыз ете алмағаны үшін ірі айыппұл төлеп жатқаны мәлім.