Электр энергиясына сұраныс артып келеді

Астанада электр энергиясына деген сұраныс жыл сайын артып келеді. Бұл қала халқының тез өсуіне, жаңа тұрғын үй кешендері мен әлеуметтік нысандардың жаппай салынуына тікелей байланысты. Сондықтан тұрғындар АЭС салу энергетикалық тұрақтылықты қамтамасыз етудің басты жолдарының бірі деп санайды.

-         Дұрыс деп ойлаймын. Еліміз дамып жатыр, қала өсіп жатыр, халық саны Астананың өзінде миллионнан асып жатыр. Халық көп жерде тұтынушылар да көп, сол себептен керек деп есептеймін. Үйде жарықты өшіріп жүреміз, артық пайдаланбауға тырысамыз. Үнемдеу керек.

-         Қарсылығым жоқ, дамыған елдер қатарына енсек, дұрыс деп ойлаймын. Өзім Алматы қаласынан келдім, шет жақтағы ауылдарда жарық көп өшеді. Сол себептен негізі қолдаймын.

-         Менің ойымша, АЭС салынуы жақсы қадам, себебі қазір цифрландыру қарқынды жүріп жатыр. Ол өте көп энергия қуатын талап етеді. Өзіме келсем, энергияны қатты үнемдемеймін. қажетше пайдаланам. Сол үшін АЭС салу дұрыс қадам деп ойлаймын.