ЖИ дамытудың жолдары талқыланды

Бүгінде жасанды интеллект балалардың білім алып, ақпарат іздейтін құралына айналды. Алайда жаңа технология қаншалықты қауіпсіз? Балаларды жалған ақпараттан, киберқауіптен және технологияға тәуелділіктен қалай қорғауға болады? Осы мәселелер «Қазақстан – 2035» форсайт сессиясында талқыланды. Жиынға қатысқан мемлекеттік орган, бизнес, ғылыми қауымдастық және азаматтық қоғам өкілдері жасанды интеллектіні дамытудың ұзақмерзімді жоспарларын қарастырды.

Елімізде жасанды интеллектіні дамыту ережелері қабылданды, білікті мамандар даярланып жатыр. Ендігі кезекте болашаққа бағдар жасау маңызды. Бүгінгі білім беру, денсаулық сақтау және мемлекеттік қызметтер саласына енгізіп жатқан шешімдер барынша сенімді әрі қауіпсіз болуы тиіс. Бүгінгі сессия негізгі басымдықтарды саралауға мүмкіндік береді.

Біздің мақсатымыз – ЖИ-ді балалар үшін барынша қауіпсіз әрі тиімді ету. Заман талабын ескере отырып, алдағы он жылдыққа жоспар құруды қарастырып жатырмыз. Жоспарымыз – қолданыстағы заңдарды жетілдіру, Айти компаниялармен тығыз жұмыс істеу.