Тұрғын үй құрылысы артты

Кейінгі 7 жылда елде жалпы көлемі 118 млн шаршы метр баспана пайдалануға берілді. Бұл 2019 жылға дейінгі көрсеткіштерден 55 пайыз көп. Тек былтыр 20 миллион шаршы метр салынды. Нәтижесінде 185 мың отбасы жаңа баспанаға көшті. Үкімет биыл да осы қарқынды бәсеңдетпей, құрылысты арттыра бермек.

Марат Жарбулов, ҚР Өнеркәсіп және құрылыс министрлігінің  басқарма басшысы:

Биылғы жоспар бізде 20,4 миллион шаршы метр пайдалануға беру. Үйлер. әртүрлі қаржыландыру көздерінен беріледі. Бірақ негізінен бізде жеке құрылыс компаниялары арқылы өсім байқалып отыр.

Министрліктің мәліметінше, тұрғын үй құрылысының көрсеткіші әсіресе, «Наурыз» бағдарламасының арқасында тұрақты өсіп жатыр. Бағдарламаға бір жылда 30 мыңнан аса адам өтініш береді. Оның шамамен 70 пайызы қабылданады. Үйлі болғандардың 16 пайызы әлеуметтік осал топқа жататын азаматтар. Қатысушылардың көбі – жастар.