AI-хакатон қатысушылар саны бойынша әлемдік рекордты жаңартты

Астанада өткен халықаралық HackAlem AI хакатоны қатысушылар саны бойынша әлемдік рекордты жаңартты. Шараға 2,5 мыңға жуық адам қатысқан. Соңғы рет осыған жақын көрсеткіш Үндістанның Хайдарабад қаласында ұйымдастырылған шарада тіркелген еді. Онда қатысушылар саны 2 мың 89 адам болған. Есепті GUINNESS WORLD RECORDS ресми төрешісі Гленн Поллард жариялады. Қорытынды құжатқа хакатон талаптарын орындап, белгіленген уақыт ішінде жобалармен жұмыс істеген қатысушылар ғана енгізілген. Қатысушылар жасанды интеллект негізіндегі жобаларды энергетика, қаржы, білім, логистика, телекоммуникация және басқа да 10 бағыт бойынша әзірледі.