Петропавлда көпбейінді кешен салынып жатыр

Петропавл қаласында NEOLIFE көпбейінді кешені салынып жатыр. Нысан тұрғын үй, қонақүй, бизнес орталығы және бірқатар коммерциялық ғимараттан тұрады. Жалпы аумағы 43 мың шаршы метр.

Жоба аясында үш 16 қабатты тұрғын үй блогы, 9 қабатты қонақүй мен 9 қабатты бизнес орталығы қарастырылған. Құрылыс кезінде кешен абаттандыру жұмыстары мен энергия тиімділігіне басымдық берілмек. Құрылыс барысында солтүстік өңірдің климаттық ерекшеліктері де ескерілген.

Туран Дерйа, жоба жетекшісі:

Қазір нысанда шамамен 100 адам жұмыс істеп жатыр. Құрылыс жұмыстары биыл мамыр айында басталды. Жобаны келесі жылдың қараша айында аяқтау жоспарланып отыр. Нысанда фитнес-орталық, кафе және мейрамханалар орналасады. Құрылыс жұмыстары өндірістік кестеге сәйкес жүргізілуде.