Дубайдан Израильге бағыт алған ұшақ Сауд Арабиясына қонуға мәжбүр болды

Дубайдан Тель-Авивке бағыт алған Flydubai ұшағы Сауд Арабиясының Табук қаласына қонуға мәжбүр болды. Израиль басылымдарының хабарлауынша, бұған пилоттар арасындағы жанжал себеп болса керек. Дегенмен мұны растайтын ресми ақпарат әлі жарияланған жоқ. Алдымен «Боинг»-ті біреулер басып алды деген болжам айтылып, кейін жоққа шығарылды. Бортында 180 жолаушысы бар ұшақ Иордания әуесінде апат белгісін бергеннен кейін бағытын Сауд Аравиясына өзгерткен. Корольдікте қалған жолаушыларды Израильге апару үшін Дубайдан ұшақ жіберілмек.