Президент Ли Кай-Фумен жасанды интеллектіні дамыту мәселесін талқылады

Президент Қасым-Жомарт Тоқаев Sinovation Ventures және 01.ai компанияларының бас директоры, жасанды интеллект саласындағы сарапшы Ли Кай-Фуды қабылдады. Кездесуде Қазақстанда ЖИ-ді дамыту және цифрлық трансформация мәселелері талқыланды. Мемлекет басшысы Ли Кай-Фудың еліміздің  дамуына үлес қосқанын атап өтті.  Қазір Үкімет Ли Кай-Фудың ұсыныстарына және озық халықаралық тәжірибеге сүйене отырып, орта білім беру жүйесіне жасанды интеллектіні енгізу жобасын іске асыруға кіріскен. Пилоттық жоба биыл 10 мектепте жүзеге асырыла бастады. Оны келесі  жылдың қаңтарында 60, сәуірінде 500 мектепке дейін кеңейту жоспарланған.