Қорғалжынның 200-ге жуық тұрғыны экологиялық акцияға қатысты

Ақмола облысының Қорғалжын ауылында 200-ге жуық тұрғын «Таза Қазақстан» экологиялық акциясына қатысты.

Игі шара «Таза өлке - жарқын болашақ» айдарымен өтті. Оған жастармен қатар  баладан, еңбек ардагерлері де қатысып, көшелерді қоқыстан тазартып, ауыл айналасын ретке келтірілді. Сонымен қатар мектеп оқушыларына да бұл күні қоршаған ортаны қорғау, экологиялық қауіпсіздік бойынша танымдық дәрістер оқылды.

Алмас Алин, Қорғалжын ауданының әкімі:

Барлық мекеме, жастар, ардагерлер барлығымыз жұмылып, ауданымызды тазалап жатырмыз. Аудан таза болуы керек, ел таза болуы керек, ауламыз таза болуы керек.