Саяси реформалар – дамудың кепілі

Қазақстанда жүзеге асып жатқан саяси реформалар мемлекеттің жұмысын оңтайландырып, түрлі салада кешенді оң өзгерістерге әкелуі тиіс. Әр салада тиімді реформа жасап, болашақ бағдарын айқындау кез-келген елдің дамуы үшін өте маңызды. Жаңа конституция саяси билік институттарының жұмысын біріздендіріп, жетілдірді. Бұл түркиялық саяси сарапшының пікірі.
Әли Оғыз Дириөз, халықаралық саяси сарапшы:
Жаңа конституция арқылы Қазақстан жаңа дәуір бастағанын көріп отырмыз. Кейінгі жылдары жүзеге асқан реформалар саяси институттардың тиімді жұмыс істеуіне жол ашты. Парламент жұмысы оңтайланып, халықпен кері байланыс нығайды. Бұл өз кезегінде азаматтардың құқықтары дұрыс қорғалуы мен әлеуметтік мәселелердің оң шешілуіне ықпал етеді.