Әлем жаңалықтарына шолу

Тасқында жоғалып кеткен адамдарды іздеу операциясы аяқталды

Непалда жаздың соңындағы алапат тасқында жоғалып кеткен мыңдаған адамды іздеу-құтқару операциялары аяқталды. Соңғы мәліметке қарағанда, тамыздың 26-да Непал-Тибет шекарасындағы Гималай тауынан мұздық құлағанда, 1455 адам қаза тауып, 5285-і жоғалып кеткен.

Кенияда эбола вирусын жұқтырудың алғашқы дерегі тіркелді

Кенияда Эбола вирусын жұқтыру оқиғасы алғаш рет тіркелді. Инфекция Конго демократиялық республикасынан Найробиге барған азаматтан анықталған. Науқасқа барынша ем көрсетілгенімен, оның өмірін аман сақтап қалу мүмкін болмады. Ал Конго демократиялық республикасында вирусты жұқтырғандар саны 8 мыңнан асып, қауіпті дерттен 4 мыңнан астам адам қаза тапты.

Йемен әскері стратегиялық бұғазды хуситтерден қайтарып алды

Йемен үкіметі көтерілісші хуситтерге қарсы ауқымды операция жүргізіп, Баб-әл-Мандеб бұғазын мемлекет қарамағына қайтарды. Бұл стратегиялық су жолын шииттік қозғалыс өткен айда басып алған еді. Биыл Ормұз бұғазы жабылып, мұнай экспорты қиындады. Сол себепті Баб-әл-Мандебтің энергетикалық шикізатты әлем нарығына шығарудағы маңызы мейлінше артты.

Физика бойынша нобель сыйлығының иегері анықталды

Физика бойынша биылғы Нобель жүлдесінің лауреаты анықталды. Швеция корольдік ғылым академиясы сыйлықты Фрэнсис Хальценге беруді ұйғарды. Бельгиялық ғалым IceCube нейтриндік обсерваториясының жұмысына шешуші үлес қосып, энергиясы жоғары нейтриноларды ашқан.