Жеке деректеріңізді қалай қорғап жүрсіз?

Конституцияда жеке деректерді қорғау талаптары күшейтілді. Банк операцияларының, жеке салымдар мен жинақтардың, өзара жазысқан хаттардың, телефон арқылы сөйлескен сөздердің, пошта хабарламаларының және байланыс құралдары, оның ішінде цифрлық технологияларды қолдану арқылы берілетін өзге де хабарламалардың құпиясы заңмен қорғалады. Осының негізінде елде алғаш рет азаматтардың цифрлық құқықтарын қорғауға арналған «Цифрлық кодекс» қабылданды. Жасанды интелект министрлігіне қарасты  Ақпараттық қауіпсіздік комитеті қазір азаматтардың жеке деректерін пайдаланатын ұйымдар туралы мәлімет жинап жатыр. 500 мыңнан астам тұрғынның дерегін өңдейтін операторларға, маркетплейстер мен түрлі сайттарға бақылау күшейіп, қатаң талаптар қойылды. Дегенмен тұрғындардың өздері жеке мәліметтерін қалай қорғап жүр? Бірге тындайық.