Екі елді жалғайтын көпір 12 жылдан соң ашылды

Қытай мен Солтүстік Кореяны жалғайтын көпір ашылды. Ялуцзян өзені үстінен өтетін бұл көпір 12 жыл бұрын салынған еді. Алайда осы уақытқа дейін қолданылған жоқ. Жаңа көлік жолы қытайлық Даньдун және солтүстік кореялық Синыйджу провинцияларын жалғайды. Ұзындығы 3 шақырымнан асатын көпірдің 4 көлік жолағы бар. Жаңа бағытты іске қосудың кешеуілдеуіне бір кездері Бейжің мен Пхеньян арасындағы қарым-қатынастардың нашарлауы себеп болған. Қытай Солтүстік Кореяның ядролық бағдарламасын, сынақтарын сынға алған еді. Оның үстіне ковид пандемиясы да көпірді ашуға кедергі болды.