Қазақстандық қос палуан әлем чемпионы

АҚШ-тың Лас-Вегас қаласында өтіп жатқан 23 жасқа дейінгі балуандар арасындағы Әлем чемпионатында Юсуф Ашрапов алтын медаль жеңіп алды. Грек-рим күресінен 72 келіде сынға түскен отандасымыз финалда Армения өкілін ұтып, Әлем чемпионы атанды. Бұған дейін 60 келіге дейінгі салмақта Айбек Айтбеков та қарсыластарынан басым түсіп, жеңіс тұғырына көтерілген еді. 87 келіге дейінгі салмақта Темірлан Тұрдақын күмістен алқа тақса, Әрсен Жұма мен Джохар Узаров қола медальді қанағат тұтты. Осылайша Қазақстан құрамасы әлем чемпионатын 5 медальмен аяқтады. Оның екеуі алтын, біреуі күміс, екеуі қола.