Басты Жаңалықтар «Астана» «ВЭФ» командасымен кездеседі

«Астана» «ВЭФ» командасымен кездеседі

24.03.2014 08:30

Бүгін «Астана» баскетбол клубы ВТБ лигасы аясында ригалық «ВЭФ» командасымен күш сынасатын болады. Бұл екі ұжым арасындағы биылғы маусымдағы екінші кездесу.

Өткен жылдың 15-ші желтоқсанында өткен ойында Александр Трифунович шәкірттері 89:81 есебімен ұтқан болатын.

Елордалық клуб алдағы жауапты ойынға жан-жақты дайындалды. Сондықтан жанкүйерлерді жерге қаратпауы тиіс.

Сондай ақ, бұған дейін жарақатына байланысты алаңға шықпаған Антон Пономарев бабына келіп қатарға қосылды.

Ригада өтетін ойынды көрермен қауым «KAZsport» телеарнасынан 23:30-да тікелей эфирде көре алады.

Индира БЕКТЕНОВА

Бөлісу