Алматылықтар Дмитрий Баландинді күтіп алды

Оңтүстік Кореяда өтіп жатқан Бүкіләлемдік Жазғы Универсиадада Қазақстан қоржынына «алғашқы алтынды» сыйлаған Дмитрий Баландин елге оралды.

Жеңімпазды Алматы әуежайынан Қазақ Ұлттық университетінің ұжымы қарсы алды. Дмитрий Кванджу қаласындағы жарыста 100 метрге браспен жүзу әдісі бойынша алтын медаль ұтып алса, артынша, 50 метр қашықтықта бақ сынап, қола жүлде жеңіп алды.

Қазіргі уақытта Қазақ Ұлттық университетінің Биология және биотехнология факультеті дене шынықтыру және спорт кафедрасының студенті. Халықаралық деңгейдегі спорт шебері. 

Амангелді СЕЙТІХАН