Волейболдан әйелдер арасындағы әлемдік Гран-при. Қазақстан Хорватия құрамасына 0:3 есебімен жол берді

Алматыда волейболдан әйелдер арасындағы әлемдік Гран-придың «Төрттік финалы» аяқталды.

Үшінші дивизион финалында Қазақстан Хорватия құрамасына жол берді. Шешуші матч 0:3 (19:25, 27:29, 16:25) есебімен аяқталды.

Ал, үшінші орын үшін бәсекеде Перу волейболшылары колумбиялықтарды 3:2 есебімен ұтты.

Естеріңізге саламыз, қазақстандық жанкүйерлер жарысты «Kazsport» арнасынан тікелей эфирде тамашалады.