Мүмкіндігі шектеулі азаматтар мал шаруашылығымен айналысып келеді

Түркістан шаһарына қарасты Теке елді мекенінде тұратын Убайдулла Ғайбуллаұлы екінші топтағы мүгедек.

Жарымжан жан жуырда мемлекет тарапынан беріліп жатқан несиемен 3 миллион теңге алды.

Сөйтіп ірі қараның санын көбейтіп, мал шаруашылығымен айналысуға бет бұрып отыр. Қазір қорасында бес бірдей сауынды сиыры мен ондаған бұқасы бар.

Ал, Шорнақ ауылының тұрғыны Алмас Молдалиевтің бір көзі көрмей қалған. Соған қарамастан ісін дөңгелетіп отыр.

Өткен жылы отбасын құрған мүмкіндігі шектеулі жан несие алып, қазір қазақы қойдың санын екі жүзге жеткізіпті.

Сөйтіп «мал өсірсең қой өсір, табысы оның көл көсір» деген аталы сөздің ақиқатын тындырымды тірлігімен дәлелдеп келеді.

Айнұр АҚБАЕВА