Еуропа одағы орман отауды доғаруға шақырды

Еуропа комиссиясы Польша билігін Беловеж орманын отауды тоқтатуға шақырды және де Брюссель ресми Варшаваға қарсы  Еуропа сотына шағым түсірген.

Айта кетсек, былтыр поляк үкіметі зиянды қоңыздарды жоямыз деген себеппен ағаштарды құлатуға қатысты квотаны екі есеге көбейтті. Егер сот мұның нәтижесінде Еуропаның табиғатты қорғау заңы бұзылды деген шешім шығаратын болса, Польша күнде айыппұл төлейтін болады.

Беловеж нуы Польша мен Беларусь территорияларына бөлініп жатыр. Ол кезінде ЮНЕСКО-ның әлемдік мұралар тізіміне енгізілді.

Арыстан РЫСБЕК