Басты Жаңалықтар Еуразиялық экономикалық одақ - әлемдік БАҚ назарында

Еуразиялық экономикалық одақ - әлемдік БАҚ назарында

18.06.2014 08:30

Еуразиялық экономикалық одақ туралы мақалалар мен сан-алуан пікірлер әлем баспасөз беттерінен түспей келеді.

Италияның «Иль Джорнал» басылымы Еуропа одағын бюрократтар мен банкирлер күйреткен арманға теңесе, Еуразиялық экономикалық одақты Кеңестер одағына теңеуге қарсы.

«XIX ғасырда орыс жазушылары жазғандай, «Еуропа орманы мен Азияның сайын даласы кездескен жерде» қызықты оқиғаға куә болып отырмыз. Онда жаңа одақ дүниеге келді.

Бұл экономикалық қоғамдастыққа Қазақстан, Ресей, Беларусь кіреді. Жаңа бірлестікке Армения, Қырғыз елі ғана емес, кезінде Брюссель шеттеткен Түркия мен Сербия да қызығушылық танытып отыр. Сондықтан, Еуразия экономикалық одағын Кеңес одағын қайта жаңғырту деп есептеу қателік», - деп жазады «Иль Джорнал».

Еуразиялық экономикалық одақ туралы материалдарды Қытайдың маңдайалды ақпарат агенттігі - «Синьхуаның» сайтынан да кездестіруге болады.

Агенттік тілшісінің хабарлауынша, Еуразиялық экономикалық одақ ең алдымен үш елдің экономикасын дамытып, халқының тұрмысын жақсартуға бағытталған.

Арыстан РЫСБЕК

Автор

Арыстан Рысбек

Бөлісу