Басты Жаңалықтар Шыңжаңда терроризм үшін 380 адам тұтқындалды

Шыңжаңда терроризм үшін 380 адам тұтқындалды

24.06.2014 08:00

Шыңжаң-Ұйғыр автономиялық ауданында бір ай бойы жүргізілген терроризмге қарсы операция кезінде 380 күдікті тұтқындалды. Сонымен қатар, лаңкестердің 32 жасырын бөлімшесі талқандалған.

Мұны Үрімшіде өткен баспасөз мәслихатында Шыңжаң аймақтық қоғамдық қауіпсіздік департаментінің өкілдері мәлімдеді. Бұған қоса, олардың сөзіне қарағанда, науқан барысында бомба жасауға қажетті 3 тоннадан артық материал, 100 шақты компьютер және 365 пышақ тәркіленген.

Айта кетсек, Шыңжаңда әртүрлі шабуылдар жиілеп, былтырдан бері 200-дей адам қаза тапты. Қытай үкіметінің ойынша, терактілерді тәуелсіз Шығыс Түркістан мемлекетін құруды көздеген исламшыл сепаратистер ұйымдастырып отыр.

Алайда, адам құқығын қорғау ұйымдарының мәліметінше, Шыңжаңда шабуылдардың көбеюіне Бейжіңнің репрессиялық саясаты себеп. Қытай билігі болса, өзіне тағылған мұндай кінәні мойындамай отыр.

Арыстан РЫСБЕК

Автор

Арыстан Рысбек

Бөлісу