«Volkswagen» 9 миллион доллар айыппұл төлеуі тиіс

Автоконцерннің Мексикадағы бөлімшесі 45 мыңдай көлікті экологиялық талаптарға сай екендігі туралы сертификаттарсыз сатқан.

Мексика билігі «Volkswagen» компаниясын 9 миллион доллар айыппұл төлеуге міндеттеп отыр. Автоконцерннің бұл елдегі бөлімшесі 45 мыңдай көлікті экологиялық талаптарға сай екендігі туралы сертификаттарсыз сатқан.

Заңбұзушылықты Мексиканың қоршаған ортаны қорғау жөніндегі федералды прокуратурасы былтыр желтоқсанда анықтады. Айта кетсек, елдің Пуэбло қаласында «Volkswagen» концернінің ірі бөлімшесі бар. Мұнда 13 мыңнан астам адам жұмыс істейді.

Арай ТӨЛЕГЕНҚЫЗЫ