Сириядағы әскер 2-3 күнде шығарылып болады

Владимир Путин Араб Республикасындағы контингентті шығаруға дүйсенбі күні бұйрық берді.

Ресей қажет болса, өз әскерін Сирияға бірнеше сағаттың ішінде қайтара алады. Мұны бүгін Кремльдің Георгиев залында өткен марапаттау салтанатында президент Владимир Путин ескертті. Оның сөзіне қарағанда, Мәскеу Араб Республикасындағы операцияға 33 миллиард рубль жұмсаған.

Салтанатты шараға 700-ден астам офицер мен жауынгер шақырылған. Олардың ішінде әуе-ғарыш күштерінің, құрлық және теңіз әскерінің қызметкерлері, әскери-өндірістік кешен мамандары бар. 4 адамға Ресей батыры атағы берілді.

Арыстан РЫСБЕК