Панама Бейжіңмен дипломатиялық байланыс орнатты

Панама Қытаймен дипломатиялық байланыс орнатып, Тайванмен саяси қатынасын үзді. Бұл туралы коммюникеге екі жақтың Сыртқы істер министрлері бүгін Бейжіңде қол қойды.

Айта кету керек, Қытай соңғы жылдары Панама экономикасына инвестицияны көбейтіп отыр. Ал, Панаманың шешімінен кейін Тайванмен дипломатиялық қатынасты сақтаған елдер саны 20-ға дейін азайды.

Қытай Тайваньды өзінің ажырамас бөлігі деп есептейді. Бірақ, Тайвань Қытайдың нағыз үкіметі Бейжіңде емес, өз жерінде орналасқан деп мәлімдеп келеді.

Арыстан РЫСБЕК