Испанияға Мароккодан ондаған заңсыз мигрант енді

Испания аумағына таңертең Мароккодан ондаған мигрант рұқсатсыз кірді. Төтенше қызмет өкілдерінің хабарлауынша, сахаралық босқындар Сеута анклавына жасырынып өткен. Мигранттарға шекарадағы қақпа кедергі бола алмаған.

Қызыл Крест қоғамы болса, босқындардың төртеуінің ауруханаға түскенін мәлімдеді. Дегенмен, оларға не болғаны туралы ақпарат жоқ. Осы ұйымның өзге бір дерегінше, биыл Марокко мен Испания арасында бір кездері даулы аймақтар болған Сеута және Мелилья анклавтарына 7,5 мыңдай мигрант өтпек болған.

Арай ТӨЛЕГЕНҚЫЗЫ