АҚШ-та «Харви» дауылынан 6,8 млн. адам зардап шекті

АҚШ-тың «Харви» дауылы соққы берген Техас штатында қазақстандықтар қауіпсіз жерге көшіріліп жатыр. Олардың ешқайсысы зардап шеккен жоқ. Мұны еліміздің Сыртқы істер министрлігі мәлімдеді. Табиғи апат жайлаған аймақта жүздеген қазақстандық тұрып жатыр. Ал, АҚШ-тың өзінде дүлей дауылдан 7 миллионға жуық адам зардап шекті. Сондай-ақ, 450 мыңдай америкалық көмекке мұқтаж. Мұны әлем ақпарат құралдары хабарлап отыр.

Жалпы алғанда, жауындатып соққан желден және тасқыннан 3 адам қаза тапты. Ал, Хьюстонда 2 мыңдай тұрғын қауіпсіз жерге көшірілген.

Арыстан РЫСБЕК