Ресей әскері Сирияда Евфрат өзенінің үстіне көпір салды

Сондағы мақсат – «ДАИШ»-пен соғысып жатқан Араб Республикасының армиясына жауынгерлер мен техника жіберу.

Ресей ақпарат құралдарының хабарлауынша, Дейр-әз-Зордың шығысында пайда болған бұл көпір экстремистер оқ атып жатса да 48 сағаттың ішінде тұрғызылған. Ол гуманитарлық көмек жеткізуге және науқастар мен жараланғандарды эвакуациялауға пайдаланылмақ.

Айта кету керек, Ресей мен Иранның көмегімен Сирия әскері қазір елдің жетінші ірі қаласы Дейр-әз-Зор мен оның айналасын «ДАИШ»-тан азат етуге күш салып жатыр.

Арыстан РЫСБЕК