Ресейдің бұрынғы экономика министрі айыпты деп танылды

Ресей соты бұрынғы экономика министрі Алексей Улюкаевты пара алғаны үшін айыпты деп тапты. Мемлекеттік прокурордың мәлімдеуінше, Улюкаев «Роснефть» мұнай компаниясының басшысы Игорь Сечиннен былтыр қарашаның 14-де 2 миллион доллар сұраған. Сондай-ақ, бұл параны Улюкаев «Башнефть» компаниясының «Роснефтьке» сатылуын мақұлдауға уәде беріп, өз қолымен алған.

Бірақ, экс-министр тағылған кінәні жоққа шығарып, ақша салынған сөмкеде қымбат акогольдік ішімдік бар деп ойлап қалғанын айтты. Прокуратура болса, оны 10 жылға бас бостандығынан айыруды сұрап отыр.

Арыстан РЫСБЕК